ალბუს დამბლდორი

„მიჩვენე!“ ამ სტატიის თემაა ჰოგვორტსის დირექტორი იქ ჰარი პოტერის სწავლის წლებში. შესაძლოა, ეძებთ სტატიას, რომელშიც აღწერილია ჰარი პოტერის ვაჟი ალბუს პოტერი, პროფესორ დამბლდორის ოჯახი ან შოკოლადის ბაყაყის ბარათი.

პროფესორი ალბუს პერსივალ ვულფრიკ ბრაიან დამბლდორი, მ.ო. (პირველი კლასი), მაგთა შორის უზენაესი, ჯადოქრობის დოქტორი, ჯადოქრობის მაგისტრი, მაგიის ბაკალავრი^[19] (დაახლ.1881 წლის ზაფხული^{[1] [3]} – 30 ივნისი, 1997^[3]) იყო ინგლისელი შერეულსისხლიანი ჯადოქარი, ბნელი ძალებისგან თავდაცვის ხელოვნების პროფესორი, მოგვიანებით ტრანსფიგურაციის დეპარტამენტის ხელმძღვანელი და ჯადოქართა საერთაშორისო კონფედერაციის წევრი (?–1995) და ვიზენგამოტის უმაღლესი მსაჯული (?–1995; 1996–1997). ითვლებოდა თავისი, შესაძლოა — ყველა დროის უდიდეს ჯადოქრად. მისი მშობლები იყვნენ პერსივალ და კენდრა დამბლდორები. აგრეთვე ჰყავდა უმცროსი და-ძმა, აბერფორთი და არიანა. მამა აზკაბანში პატიმრობისას დაიღუპა, როდესაც ალბუსი ჯერ პატარა იყო, ხოლო დედა და და შემთხვევით მოკლეს. ასეთ ადრეულ ასაკში დანაკარგებმა მასზე დიდი გავლენა იქონიეს და უკეთეს პიროვნებად აქციეს.

მართალია, თავდაპირველად, გელერტ გრინდელვალდს წარსულში მეგობრობის გამო ვერ ებრძოდა, მან ნიუ-იორკში გააგზავნა ნიუტ სკამანდერი, რომელსაც დაავალა ქარიშხალა ფრენკის გათავისუფლება. ნიუტი მისი მითითებით აგრეთვე პარიზში გაემგზავრა, სადაც კრიდენს ბერბონი უნდა გადაერჩინა. პარიზში ლეტა ლესტრეინჯის ტრაგიკული დაღუპვის შემდეგ ალბუსმა გადაწყვიტა, უფრო მეტი წვლილი შეეტანა გრინდელვალდთან ბრძოლაში, რომელშიც აგრეთვე ჩაერთვნენ ნიუტი, თესეუსი, ტინა, იაკობი, იუსუფი და ნაგინი. თუმცა, დამბლდორისგან ფარულად, გელერტმა უკანასკნელის იდუმალი ნათესავი, აურელიუს დამბლდორი მის წინააღმდეგ გამოიყენა.

გლობალური ჯადოქრული ომის შემდეგ დამბლდორმა სახელი გაითქვა, როგორც ადამიანმა, რომელმაც გრინდელვალდი დაამარცხა, აღმოაჩინა დრაკონის სისხლის გამოყენების თორმეტი მეთოდი და ჩაატარა კვლევები ალქიმიაში ნიკოლას ფლამელთან ერთად.

სწორედ დამბლდორის ინიციატივით ჩამოყალიბდა ლორდ ვოლდემორის საწინააღმდეგო მოძრაობა, ვინაიდან მან პირველი ჯადოქრული ომის დროს დააარსა ფენიქსის ორდენი. ვოლდემორის მოულოდნელი დაბრუნების, მეორე ჯადოქრული ომის დაწყების და კორნელიუს ფაჯის თანამდებობიდან წასვლის შემდგომ დამბლდორმა სწრაფად შეკრიბა მეორე ფენიქსის ორდენი. იგი ეხმარებოდა ჯეიკობის დედმამიშვილს ამ უკანასკნელი მიერ დაწყევლილი საცავის ძიებაში, ისევე, როგორც ჰარის, რონს და ჰერმიონს — ჰოგვორტსში სწავლის პირველი ექვსი წლის განმავლობაში. მოგვიანებით მათ მის პატივსაგებად საკუთარ რაზმს დამბლდორის არმია უწოდეს.

ვინაიდან ბრძენი იყო და ლეგენდარულ ძალას ფლობდა, იქცა ერთადერთ ჯადოქრად, რომელსაც ვოლდემორი უფრთხოდა. 1945—1997 წლებში უძლეველი ჯოხის ბატონი იყო და ბევრი მას ჰოგვორტსის უდიდეს დირექტორად თვლიდა. როდესაც იგრძნო, რომ დაწყევლილი ბეჭედი მას შეიწირავდა, საკუთარი სიკვდილი სევერუს სნეიპთან ერთად დაგეგმა. ამ ჩანაფიქრით, სნეიპმა იგი ასტრონომიის კოშკში მოკლა.

მართალია, დაიღუპა, მის მიერ განხორციელებული გეგმით ვოლდემორი საბოლოოდ დამარცხდა და განადგურდა და ჯადოქრულ სამყაროში მშვიდობამ დაისადგურა. დამბლდორი იყო ერთადერთი დირექტორი, რომელიც ჰოგვორტსში პატივით დამარხეს. მისი პორტრეტი სკოლაში ეკიდა. ჰარიმ თავის მეორე ვაჟს მოგვიანებით მის და სნეიპის პატივსაცემად ალბუს სევერუსი დაარქვა.

გამოჩენები

• „ჰარი პოტერი და ფილოსოფიური ქვა“ (პირველი გამოჩენა)
• „ჰარი პოტერი და ფილოსოფიური ქვა (ფილმი)“
• „ჰარი პოტერი და ფილოსოფიური ქვა (ვიდეოთამაში)“
• „ჰარი პოტერი და საიდუმლო ოთახი“
• „ჰარი პოტერი და საიდუმლო ოთახი (ფილმი)“
• „ჰარი პოტერი და საიდუმლო ოთახი (ვიდეოთამაში)“
• „ჰარი პოტერი და აზკაბანის ტყვე“
• „ჰარი პოტერი და აზკაბანის ტყვე (ფილმი)“
• „ჰარი პოტერი და აზკაბანის ტყვე (ვიდეოთამაში)“
• „ჰარი პოტერი და ცეცხლოვანი თასი“
• „ჰარი პოტერი და ცეცხლოვანი თასი (ფილმი)“
• „ჰარი პოტერი და ცეცხლოვანი თასი (ვიდეოთამაში)“
• „ჰარი პოტერი და ფენიქსის ორდენი“
• „ჰარი პოტერი და ფენიქსის ორდენი (ფილმი)“
• „ჰარი პოტერი და ფენიქსის ორდენი (ვიდეოთამაში)“
• „ჰარი პოტერი და ნახევარპრინცი“
• „ჰარი პოტერი და ნახევარპრინცი (ფილმი)“
• „ჰარი პოტერი და ნახევარპრინცი (ვიდეოთამაში)“
• „ჰარი პოტერი და სიკვდილის საჩუქრები“ (როგორც ცხედარი, სული ან მოჩვენება და პორტრეტებზე)
• „ჰარი პოტერი და სიკვდილის საჩუქრები: ნაწილი 1“ (როგორც ცხედარი, სული ან მოჩვენება და მოგონებებში)
• „ჰარი პოტერი და სიკვდილის საჩუქრები: ნაწილი 1 (ვიდეოთამაში)“ (ჩნდება როგორც მოჩვენება ან სული)
• „ჰარი პოტერი და სიკვდილის საჩუქრები: ნაწილი 2“ (ჩნდება როგორც მოჩვენება ან სული)
• „ჰარი პოტერი და სიკვდილის საჩუქრები: ნაწილი 2 (ვიდეოთამაში)“ (ჩნდება როგორც მოჩვენება ან სული)
• „ჰარი პოტერი და დაწყევლილი ბავშვი“ (პორტრეტებზე)
• „ჰარი პოტერი და დაწყევლილი ბავშვი (პიესა)“ (პორტრეტებზე)
• „მგოსანი ბიდლის ზღაპრები“ (წინასიტყვაობა და შენიშვნები)
• „ჯადოსნური ცხოველები და სად ვიპოვოთ ისინი“ (2001 წლის გამოცემის წინასიტყვაობა, ნახსენებია 2017 წლის გამოცემაში)
• „ჯადოსნური ცხოველები და სად ვიპოვოთ ისინი (ფილმი)“ (მხოლოდ ხსენება)
• „ჯადოსნური ცხოველები: გრინდელვალდის დანაშაულებები“
• „ჯადოსნური ცხოველები 3“
• „ქვიდიჩის მრავალსაუკუნოვანი ისტორია“ (წინასიტყვაობა)
• „ჰარი პოტერი: გასაშლელი წიგნი“
• „თვის ჯადოქარი“
• „ჰარი პოტერი: ქვიდიჩის მსოფლიო თასი“
• „LEGO Harry Potter“
• „LEGO Harry Potter: Years 1-4“
• „LEGO Harry Potter: Years 5-7“
• „LEGO Creator: Harry Potter“
• „LEGO Harry Potter: ჯადოსნური სამყაროს შექმნა“
• „LEGO Harry Potter: ჯადოსნური სამყაროს პერსონაჟები“
• „ჰარი პოტერი Kinect-ისთვის“
• „ჰარი პოტერი და აკრძალული მოგზაურობა“
• Pottermore-ზე
• Wizarding World-ზე
• „ჰარი პოტერის საკოლექციო ბარათების თამაში“
• „ჰარი პოტერის შექმნა“
• “LEGO-ს ფილმი“
• „ჰარი პოტერი: არსებების საცავი“ (მხოლოდ ხსენება)
• „LEGO Dimensions“
• ჰარი პოტერი: ჰოგვორტსის საიდუმლო
• „ჰარი პოტერის მხატვრობა: გრაფიკული დიზაინის მინიწიგნი“
• „ჰარი პოტერი: ჯადოქრების გაერთიანება“

შენიშვნები და სქოლიო